Mətn ölçüsü:
  • 100%

Bu ölkə Azərbaycan üzərindən Avropaya qaz tədarük edə bilər

"Türkmənistan Xəzər dənizi, Azərbaycan vasitəsilə Türkiyə və Avropaya qaz tədarük edə bilər. Bunun üçün ölkələr arasında müqavilə imzalanmalıdır".

Ölkə.Az "Nikkei Asia"ya istinadən xəbər verir ki, bunu Türkmənistanın keçmiş prezidenti və indiki Xalq Şurasının sədri Qurbanqulu Berdiməhəmmədov deyib.

Berdiməhəmmədov bildirib ki, Aşqabadla Ankara təbii qaz sahəsində tərəfdaşlığın inkişafı haqqında saziş imzalayıblar.

Nəşrin yazdığına görə, o deyib ki, Türkmənistandan qaz Xəzər dənizi və ya Azərbaycan vasitəsilə Türkiyə və Avropaya gedə bilər, bunun üçün ölkələr də müqavilə imzalamalıdır. O, tədarükün İran vasitəsilə həyata keçirilməsini alternativ variant adlandırıb.

Sabiq prezident deyib ki, Türkmənistanın Qalkinış yatağında 27 trilyon kubmetr qaz var. 

Mürtəza
Ölkə.Az