Dünyada ərzaq qiymətləri ucuzlaşdı - RƏSMİ

Qlobal ərzaq qiymətləri fevral ayında yanvar ayı ilə müqayisədə 0,7% azalıb.

İqtisadiyyat.az xəbər verir ki, bu barədə Birləşmiş Millətlər Təşkilatının Ərzaq və Kənd Təsərrüfatı Təşkilatı (FAO) məlumat yayıb.

Məlumata görə, ərzaq qiymətləri indeksi fevral ayında 0,7% azalaraq 117,3 bənd olub. Bu göstərici ötən ilin eyni ayı ilə müqayisədə 10,5% azalıb.

Bu dövrdə taxıl qiymət indeksi 5% azalıb. Hesabat dövründə buğdanın qiyməti Rusiyadan güclü ixrac rəqəmləri səbəbindən ucuzlaşıb. Fevralda beynəlxalq bazarlarda düyü isə 1,6% ucuzlaşıb.

Bitki yağı qiymət indeksi fevral ayında 1,3% azalıb. Fevralda şəkər qiymət indeksi 3,2%, ət qiymət indeksi isə 1,8% artıb. Bahalaşmada quş əti və iribuynuzlu mal-qaranın bahalaşması təsirli olub.