Kakao çatışmazlığı: şokolad bahalaşdı - Rekord

Əlverişsiz hava şəraitinin tədarükü azaltması səbəbindən kakao qiymətləri rekord səviyyəyə yüksəlib.

"Ölkə.Az"ın məlumatına görə, kakao fyuçerslərinin qiymətləri üç aydan az müddətdə iki dəfə artıb və bir müqavilə Nyu-Yorkda bir ton üçün 8 394 dollara alınıb.

Kakao böhranı şokoladın qiymətlərinin artmasına səbəb olub və ABŞ-də şokolad istehlakının intensiv olduğu Pasxa bayramı öncəsi qiymətlər artıb.

Məşhur şokolad markası "Lindt"in maliyyə direktoru Martin Huq bazarda qiymətləri artıran bir çox oyunçunun olduğunu və bazarın proqnozlaşdırılmasının çətin olduğunu bildirib.

Qeyd edək ki, dünya üzrə kakaonun təxminən 60%-ni istehsal edən Qana və Fil Dişi Sahilində kakao məhsuldarlığı ardıcıl üç il aşağı səviyyədə olub. 

Beynəlxalq Kakao Təşkilatı (ICCO) bu mövsüm qlobal kakao istehsalının 10,9% azalaraq 4,45 milyon tona çatacağını gözləyir.

Könül
Ölkə.Az