“Paşa Həyat Sığorta” 31 mln manat dividend ödəyib
“Paşa Həyat Sığorta” ASC 2023-cü ilin yekunları üzrə maliyyə hesabatını açıqlayıb.
“Ölkə.Az”ın məlumatına görə, sözügedən dövrə sığorta şirkətinin cəmi aktivləri 707 mln 489 min manat olub ki, bu da hesabat ilinin əvvəli ilə müqayisədə 28,1% çoxdur.
“Paşa Həyat Sığorta”nın cəmi öhdəlikləri 26% artaraq ötən ilin sonunda 595 mln 655 min manat olub.
Nizamnamə kapitalı 40 mln 250 min manat olan sığorta şirkəti 30 mln 757 min manat dividend ödəyib və yığılmış mənfəəti 59% artaraq 62 mln 814 min manata yüksəlib. Nəticədə, şirkətin cəmi kapitalı 2,9% artaraq 111 mln 834 min manata çatıb.
Ötən il ərzində şirkətin əməliyyat gəliri 518 mln 185 min manat, xalis sığorta ehtiyatlarının dəyişməsi üzrə xərci 138 mln 811 manat, investisiya gəliri 33 mln 153 min manat, sair gəlirləri 27 min manat olub və ümumilikdə, cəmi gəlirləri 412 mln 554 min manat təşkil edib.
Əsas əməliyyat xərcləri 283 mln 634 min manat, işlərin aparılması xərcləri 49 mln 121 min manat, sair xərcləri 222 min manat olan sığorta şirkətinin cəmi xərcləri 332 mln 978 min manat təşkil edib.
Mənfəətindən 16 mln 763 min manat vergi ödəyən “Paşa Həyat Sığorta” ASC 2023-ci ili 62 mln 814 min manat xalis mənfəətlə başa vurub.
Könül
Ölkə.Az
