Milli Məclis prezidentin qərarını təsdiq etdi

Milli Məclis sahibkarlıq sahəsində aparılan yoxlamaların dayandırılmasını təsdiq edib.

Ölkə.Az xəbər verir ki, parlamentin bu gün keçirilən son plenar iclasında Prezident İlham Əliyevin qanunvericilik təşəbbüsü ilə daxil olan “Sahibkarlıq sahəsində aparılan yoxlamaların dayandırılması haqqında” qanun layihəsi müzakirəyə çıxarılıb.

Layihə barədə parlamentin İqtisadi siyasət komitəsinin sədri Ziyad Səmədzadə məlumat verib.

Onun sözlərinə görə, qanun layihəsinə sahibkarlığın inkişafı üçün böyük imkanlar yaradır. Daha sonra 4 maddədən ibarət sənəd səsə qoyularaq qəbul olunub.

Qanuna əsasən, yoxlamaların dayandırılmasının noyabrın 1-dən hesablanmaq şərti ilə 2 il müddətinə dayandırılır.

Bu müddətdə yalnız vergi yoxlamaları, insanların həyat və sağlamlığına, dövlətin təhlükəsizliyinə və iqtisadi maraqlarına təhlükə yaradan hallar üzrə siyahısı müvafiq icra hakimiyyəti orqanı tərəfindən müəyyən edilən yoxlamalar aparıla bilər. Həmin yoxlamalar da müvafiq icra hakimiyyəti orqanı tərəfindən müəyyən edilən məhdudiyyətlər nəzərə alınmaqla aparılacaq.

Ölkə.Az