“Tesla” qiymətləri endirir

Elektrikli avtomobil nəhəngi "Tesla" qlobal miqyasda avtomobillərinin qiymətlərini endirdi.

"Ölkə.Az"ın məlumatına görə, buna səbəb ilk rübdə tədarükün təqribən dörd ildən sonra ilk dəfə azalması olub.

Şirkət Çindəki "Model 3"ün başlanğıc qiymətini 14 000 yuan azaldaraq 231 900 yuana (32 000 dollar) endirdiyini bildirib.

Almaniyada arxa ötürücülü "Model 3" modelinin qiymətinin də fevral ayından bu yana 42 990 avrodan 40 990 avroya (43 670,75 dollar) endirildiyi deyilib.

"Tesla" sözçüsü bildirib ki, qiymət endirimləri Avropa, Yaxın Şərq və Afrikanın bir çox başqa ölkələrində də yaşanıb.

Könül
Ölkə.Az