Türkiyədən Azərbaycana idxal olunan mallar ucuzlaşacaq? - AÇIQLAMA

"Bu qərarın elektron ticarətə təsiri olacağını düşünmürəm". 

Bunu Qaynarinfo-ya açıqlamasında marketoloq Pərviz Əzimov Azərbaycanla Türkiyə arasında ikiqat vergitutmanın ləğv edilməsi ilə bağlı qərarın elektron ticarətə, yəni "Trendyol"a təsirindən danışarkən deyib. 

Marketoloq hesab edir ki, bu qanun elektron ticarətdə hər hansı bir ucuzlaşmaya səbəb olmayacaq:

"Qanun layihəsi başqa sahəni əhatə edir. Bu yalnız Türkiyədə yaşayan azərbaycanlı vətəndaşlarla bağlı qəbul olunub ki, onlar ikitərəfli vergiyə cəlb olunmaqdan xilas olacaqlar. Elekton ticarətlə Azərbaycana gətirilən məhsullar Türkiyə vətəndaşlarının istehsal etdiyi mallardır".

Qeyd edək ki, Azərbaycanla Türkiyə arasında gəlirlərə görə vergilərə münasibətdə ikiqat vergitutma ləğv edilir. Milli Məclisin profil komitələrində müzakirə edilən bu layihənin aprelin 23-də plenar iclasda qəbul olunacağı gözlənilir.