Sahibkarlığın İnkişafı Fondunda 148 milyon yığılmış zərər
İqtisadiyyat Nazirliyi yanında Sahibkarlığın İnkişafı Fondu 2023-cü ildə 12 mln 503 min manat xalis mənfəət əldə edib.
“Ölkə.Az” xəbər verir ki, bu, 2022-ci ilin yekunu ilə müqayisədə 19,4% azdır.
Sözügedən dövrə Fondun əməliyyat gəliri 20 mln 779 min manat, əməliyyat xərcləri 7 mln 442 min manat, ehtimal olunan kredit zərərlərinin bərpasından gəliri 1 mln 771 min manat təşkil edib.
2 mln 605 min manat vergi ödəyən qurum ötən ili 12 mln 503 min manat xalis mənfəətlə başa vurub.
2023-cü ilin dekabrın 31-nə Fondun cəmi aktivləri 1 mlrd 11 mln 496 min manat olub ki, bu da illik müqayisədə 6,3% çoxdur. Cəmi öhdəlikləri 42 dəfə artaraq 837 min manat, cəmi kapitalı isə 6,2% artaraq 1 mlrd 10 mln 659 min manat təşkil edib. Qurumun yığılmış zərəri isə 7,8% azalaraq 147 mln 774 min manata enib.
Könül
Ölkə.Az
