Azərbaycanda kredit faizləri artacaq - AÇIQLAMA

Son aylar depozit faizlərində artımlar müşahidə olunur. Artıq sistem əhəmiyyətli banklar illik manat depozitlərini 9%-lə qəbul edilər.

"Ölkə.Az" xəbər verir ki, bunu iqtisadçı deputat Vüqar Bayramov deyib. O bildirib ki, bir müddət öncə depozitlər orta hesabla 6% ilə təklif olunurdu:

"Depozit faizlərindəki artımlara Blumberq platformasında banklar arasında milli valyutada bağlanan əqdlərin sayı və eləcə də, onların ortaçəkili faiz dərəcəsi də təsirsiz ötüşməyib. Belə ki, Mərkəzi Bank bankların passiv aktivlərinin bir hissəsini öz notları vasitəsi ilə cəlb edə bilib və bu da banklarda əlavə vəsaitlərə tələb yaradıb. Amma bankların daha bahalı borclanmasının kredit faizlərini artıracağı istisna deyil".

"Bu baxımdan, uçot dərəcəsi daxil olmaqla digər alətlər vasitəsi ilə kredit faizlərində optimallığın qorunması çox vacibdir", - millət vəkili əlavə edib.

Könül
Ölkə.Az