Şərqi Zəngəzurdakı tikinti xidməti 900 min gəlir əldə etdi

Şərqi Zəngəzur İqtisadi Rayonunda 2 Saylı Bərpa, Tikinti və İdarəetmə xidməti ötən il 93 min 715 manat xalis mənfəət əldə edib.

“Ölkə.Az” xəbər verir ki, həmin dövrdə gəlirləri 873 min 564 manat olan qurumun əməkhaqqı və müavinət xərcləri 679 min 85 manat, icarə xərcləri 27 min 540 manat, köhnəlmə xərcləri 26 min 853 manat, bank xərcləri 2 min 976 manat, digər xərcləri 19 min 966 manat təşkil edib. Mənfəətindən 23 min 429 manat vergi ödəyən xidmət 93 min 715 manat xalis mənfəət əldə edib.

Publik Hüquqi Şəxsin cəmi aktivləri 331 mln 986 min 308 manat, cəmi öhdəlikləri 331 mln 392 min 593 manat, cəmi kapitalı isə 593 min 715 manat təşkil edib. 

Könül
Ölkə.Az