"Azercell" günəş enerjisi ilə çalışan stansiyalarını 37-yə çatdıracaq
Bu ilin sonuna qədər "Azercell" ölkə üzrə 37-yə qədər günəş enerjisi ilə çalışan radio baza stansiyasının tətbiqinə başlamağı planlaşdırır.
"Ölkə.Az" xəbər verir ki, bunu "Azercell Telekom"un Hüquq, Etika və Komplayens üzrə Baş Direktoru Şirin Əliyeva qurumun ESG hesabatının təqdimatı zamanı deyib.
O bildirib ki, şirkət son illər ətraf mühitin qorunmasına dəstək məqsədilə Qarabağda iki, Qobustan və Tovuzun hər birində isə bir ədəd olmaqla günəş enerjisi ilə işləyən stansiya qurub.
Belə ki, hesabatın ekoloji komponentində günəş enerjisi ilə işləyən baza stansiyaları, tullantı, su və yanacaqdan istifadənin azaldılması səyləri, batareyaların təkrar emalı və səmərəli enerji istehlakı vasitəsilə "karbon ayaq izi"ni azaltmaq səyləri öz əksini tapıb.
Könül
Ölkə.az
