Maliyyə Nazirliyi: Yeni ildə növbəti devalvasiya gözlənilir

2015-ci ilin sonunda növbəti devalvasiya gözlənilir.

Ölkə.az xəbər verir ki, Rusiya maliyyə nazirinin müavini Aleksey Moiseev milli valyutanın mövsümi devalvasiyasının qaçınılmaz olduğunu bildirib.

"Bu məsələdə iki əsas faktor var - neft və mövsüm. Mövsüm deyildikdə qış və bu fəsilin gətirdiyi çətinliklər başa düşülməlidir. Neft isə Rusiya iqtisadiyyatının əsas ixrac məhsulu olduğundan onun qiymətlərindən asılı olaraq rublun dollar və avroya nisbətdə məzənnəsinin dəyişməsi qaçılmazdır. Ona görə də biz 2015-ci ilin sonunda növbəti devalvasiya dalğasına hazır olmalıyıq", deyə Moiseev bildirib.

Xatırladırıq ki, Rusiya valyutası rubl artıq 1 ildir ki, dollar və avroya nisbətdə ciddi qiymət itirməkdə davam edir.

Ölkə.az