Bu şəxslərin evləri təmir ediləcək - 114 min ayrıldı

Bir sıra ərazilərdəki məcburi köçkün evləri təmir olunacaq.

“Ölkə.Az”ın məlumatına görə, Şəki rayonunun Vərəzət kəndində, Bərdə rayonunun Alaçadırlı kəndində və Meşəçilik qəsəbəsində, Göygöl rayonunun Murovdağ qəsəbəsində külək nəticəsində yararsız hala düşmüş məcburi köçkün ailələrinin məskunlaşdığı evlərin dam örtükləri və Oğuz şəhəri 20 yanvar küçəsində, Gəncə şəhəri, Gülüstan qəsəbəsi, ADAU-6 ətrafında yanğın nəticəsində yararsız hala düşmüş məcburi köçkün ailələrinin məskunlaşdığı evlər təmir ediləcək.

Qaçqınların və Məcburi Köçkünlərin İşləri üzrə Dövlət Komitəsinin Tikilməkdə Olan Müəssisələr Müdiriyyəti bununla bağlı Ağa Xəqani oğlu Ağayev ilə razılaşıb. Təmirlə bağlı sözügedən şəxsə 114 min 523 manat ödəniş ediləcək.

Könül
Ölkə.Az