Tarixi binadakı təmir etiraz yaratdı: vandalizm... - FOTO

Bakı şəhərində mərkəzi küçələrin birində yerləşən tarixi binada təmir-bərpa işləri aparılır.

“Ölkə.Az”ın məlumatına görə, təmir zamanı binanın tarixi görüntüsünün pozulduğu deyilir.

Səməd Vurğun və Xəqani küçələrinin kəsişməsində yerləşən tarixi binanın fasadının ağ rəngə boyadıldığı və bunun da mövcud abidənin statusunu pozulduğu bildirilir. Bununla bağlı bir sıra memarlar sosial şəbəkələrdə etirazlarını dilə gətiriblər. Bəziləri isə bunu abidələrə qarşı vandalizm adlandırıblar.

Qeyd edilir ki, Buzovnaneft adlanan bina memarlar Sadıq Dadaşov və Mikayıl Hüseynovun layihəsi əsasında tikilib.

“Ölkə.Az” məsələ ilə bağlı Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinə sorğu göndərib.

Könül
Ölkə.Az