Azərbaycanda şərab zavodu zərərlə işləyir
“Göygöl Şərab Zavodu” ASC ötən il 1 mln 406 min manat zərər edib.
“Ölkə.Az”ın məlumatına görə, zavodun əməliyyat gəlirləri 16 mln 873 min manat, əməliyyat xərcləri 18 mln 209 min manat təşkil edib. Fövqəladə xərcləri 45 min manat, xərcləri isə 116 min manat olan MMC ötən ili 1 mln 406 min manat zərərlə başa vurub.
Zavodun zərəri 2022-ci il ilə müqayisədə 2 dəfəyə yaxın (1,8 dəfə) artıb.
2023-cü ilin yükununda zavodun cəmi aktivləri illik müqayisədə 1,3% artaraq 66 mln 285 min manat, cəmi öhdəlikləri 23,2% artaraq 24 mln 587 min manat təşkil edib.
Səhmdar kapitalı 55 mln 462 min manat, kapital ehtiyatları 2 mln 459 min manat, yığılmış zərəri 16 mln 222 min manat olan zavodun cəmi kapitalı illik müqayisədə 8,3% azalaraq 41 mln 699 min manata enib.
Könül
Ölkə.Az
