UNEC “Məzun günü”nə 124 min manat xərcləyib

Azərbaycan Dövlət İqtisad Universitetinin (UNEC) “Məzun günü” üçün çəkdiyi xərc məlum olub.

“Ölkə.Az”ın məlumatına görə, universitet zalın icarəsi üçün “Bakı Kristal Zalı” MMC ilə razılaşıb.

Zalın icarəsi ilə bərabər, onun texniki və xidməti otaqlarının ayrılması ilə birlikdə 26-29 iyun 2024-cü il tarixlərində istifadəyə verilməsi, zalın havalandırma sisteminin bu müddətdə fasiləsiz işləməsinin təmin olunması, mebel və avadanlıqla təchizat, o cümlədən zalın mərkəzində 4500 ədəd stul yerləşdirilməsi və stulların stikerlərlə nömrələnməsi, kommunal xidmətlərin fasiləsiz təmin edilməsi, tədbirin keçirilməsinə texniki dəstək verilməsi, mövcud olan infrastruktura aid İT xidmətlərdən istifadə imkanının yaradılması, əraziyə xüsusi texnika ilə birlikdə yanğın söndürmə heyətinin cəlb edilməsi xidməti üçün MMC-yə 73 min 160 manat ödəniş edilib.

Eləcə də, UNEC “Məzun günü” tədbirinin keçirilməsi ilə bağlı təşkilatçılıq xidmətlərini həyata keçirməsi üçün “İnnovation Event” MMC ilə annlaşıb və şirkətə 50 min 740 manat ödəniş ediləcək.

Könül
Ölkə.Az