Komitədən daha bir avtomobilə

Əmlak Məsələləri Dövlət Komitəsi (ƏMDK) 1996-cı il istehsalı olan Hyundai H 100-12 5-ci dəfə 50% endirimlə təkrar hərraca çıxarır. 

Bu barədə ƏMDK-dan Ölkə.Az-a bildirilib. 

Komitənin məlumatına görə, dekabrın 1-də nəzərdə tutulmuş növbəti hərracda Hyundai H 100-12 markalı avtomobildən başqa, daha 4 nəqliyyat vasitəsi də hərraca çıxarılacaq. 

Bunlar 1999-cu il istehsalı olan  VAZ-21074, 2004-cü il istehsalı olan UAZ-31519-017-10, QAZ-31105-120, 2007-ci il istehsalı olan VAZ-21043 markalı avtomobillərdir. 

Qeyd edək ki, hərraclar Əmlak Məsələləri  Dövlət Komitəsi yanında  Hərracların Təşkili üzrə Auksion Mərkəzində keçiriləcək. (Zeynal Xəlil küçəsi 11a). 

Hərracda iştirak etmək üçün hərrac komissiyasına aşağıdakı sənədlər hərracın başlanılmasına ən gec 3 (üç) bank günü qalanadək təqdim olunmalıdır:

1.Sifarişçinin şəxsiyyətini təsdiq edən sənəd;

2.Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. 10% məbləğində beh Mərkəzi Bankda – AZ65NABZ01361150000000004944 nömrəli hesaba köçürülməlidir.

Ölkə.Az