Meriya 3 böyük məscidə 10 min manatlıq yuyucu vasitələr alır

Bakı şəhəri, Suraxanı rayonu, Qaraçuxur qəsəbəsi, S.Cəfərov küçəsi 822 ünvanında yerləşən “Xanım Fatimeyi Zəhra” məscidi, Səbail rayonu, M.Hüseyin küçəsi 8 ünvanda yerləşən “Şəhidlər” məscidi və Nərimanov rayonu, Ü.Bünyadzadə küçəsi 776-cı məhəllədə yerləşən “Cümə” məscidlərinə yuyucu-təmizləyici və sairə təsərrüfat malları alınır.

“Ölkə.Az”ın məlumatına görə, Bakı Şəhər İcra Hakimiyyətinin Mənzil-kommunal təsərrüfatı departamentinin İnzibati binaların istismarı idarəsi sözügedən malların alınması ilə bağlı “Azchemistry-Service” MMC ilə satınalma müqaviləsi bağlayıb.

Şirkətə bununla bağlı 10 min 268 manat ödəniş ediləcək.

Könül
Ölkə.Az