Bitkoində sərt eniş: 54 min dollardan aşağı düşdü

Bazar dəyərinə görə aparıcı kriptovalyuta olan bitkoinin qiyməti 4%-dən çox azalaraq 53 600 dollara enib.

"Ölkə.Az" xəbər verir ki, bu, cari ilin fevralın 26-dan bəri ən aşağı səviyyəyə olub.

Ucuzlaşmanın "Mt. Gox" birjasının 2014-cü ildə oğurlanmış aktivlərini sahiblərinə paylanması prosesinə başlaması ilə əlaqədar olduğu düşünülür. "Mt. Gox Exchange"in bu ay təqribən 10 milyard dollar dəyərində kripto aktivlərini tədricən sahiblərinə paylayacağı gözlənilir.

Belə ki, investorlar kreditorların koinləri aldıqdan sonra dərhal satacağından və bazarda kütləvi satış təzyiqi yaradacağından narahatdırlar.

Qeyd edək ki, 2014-cü ildə birja sındırılarkən BTC təxminən 600 dollara ticarət olunurdu və bu gün onun dəyəri 55 min dollardan çoxdur.

Ümumilikdə, bitkoin son bir həftədə 10%, dörd həftədə isə 22% ucuzlaşıb.

Könül
Ölkə.Az