Azərbaycanda kredit götürənlərin sayı 2,5 milyon nəfəri ötdü

Azərbaycan Mərkəzi Bankı yanında Mərkəzləşdirilmiş Kredit Reyestri Xidmətinin məlumatına görə, 2015-ci ilin oktyabrın 1-nə Azərbaycanda 2 milyon 505 min 575 nəfər (kredit borcu olanlar-red.) qeydə alınıb

Ölkə.Az Azərbaycan Mərkəzi Bankına (AMB) istinadən xəbər verir ki, bu avqust ayının yekunları ilə müqayisədə 17 min 275 min nəfər çoxdur.

Cari ilin sentyabrın yekunlarına görə, xidmətin bazasında Azərbaycan vətəndaşlarına verilmiş 10 milyon 427 mindən çox kredit haqqında informasiyalar saxlanılır.

AMB-nin məlumatına görə, oktyabrın 1-nə olan məlumata görə, xidmətə 247 min sorğu daxil olub ki, sorğuların təxminən 94%-i banklar tərəfindən edilib.

Bundan başqa, qeyd edək ki, 2013-cü ildə Azərbaycanda 1 milyon 952 min borcalan, 2012-ci ildə 1 milyon 540 min borcalan qeydə alınıb.

Qeyd edək ki, sentyabrın yekunlarına görə, zamin şəxslərin sayı isə son bir ayda 25 min nəfərdən çox artıb.

Məlumat üçün bildirək ki, Mərkəzləşdirilmiş Kredit Reyestri (MKR) 2005-ci ildə Mərkəzi Bankda yaradılıb. MKR-də ölkənin bank sektorunda kredit öhdəliyi olan fiziki və hüquqi şəxslərin məbləğindən asılı olmayaraq bütün kreditləri haqqında məlumatlar toplanılır.

Ölkə.Az