Dövlət qurumu bu şirkətdən 2,8 milyonluq avtomobil alır
"Hyundai" avtomobillərinin Azərbaycandakı rəsmi distributoru "Auto Azərbaycan" MMC Səfərbərlik və Hərbi Xidmətə Çağırış üzrə Dövlət Xidmətinin tenderində qalib seçilib.
Ölkə.az Qaynarinfo-ya istinadən xəbər verir ki, tender nəqliyyat vasitələrinin satın alınması bağlı keçirilib.
Tərəflər arasında bağlanacaq satınalma müqaviləsinin maliyyə dəyəri 2 867 200 manatdır. Dövlət qurumu bu məbləğə 8 ədəd minik, 5 ədəd yolsuzluq avtomobili, 15 ədəd isə sərnişin avtobusu almağı planlaşdırır.
"Auto Azərbaycan" MMC 9 iyul 1996-cı ildə qeydiyyata alınıb. Nizamnamə kapitalı 15 352 742 manatdır. Şirkətin qanuni təmsilçisi İsmayılov Emin Hüseyn oğludur.
