Təyyarə biletləri bahalaşdı

Dövlət Statistika Komitəsi məlumat yayıb.

Avqust ayı ərzində hava nəqliyyatında sərnişindaşıma tarifləri MDB ölkələri üzrə 4,2 faiz bahalaşıb.

Ölkə.Az xəbər verir ki, bu barədə Dövlət Statistika Komitəsinin yaydığı məlumatda bildirilir.

Komitədən verilən məlumata görə, digər xarici ölkələr üzrə hava nəqliyyatında sərnişindaşıma tariflərində isə 11,8 faiz ucuzlaşma müşahidə olunub.

Avqust ayında nəqliyyat sektorunda yükdaşıma tarifləri 0,2 faiz, sərnişindaşıma tarifləri isə 0,9 faiz ucuzlaşıb.

Avqust ayında boru kəməri vasitəsilə neftin nəql olunma tarifi 0,9 faiz ucuzlaşıb. Dəniz nəqliyyatı vasitəsilə digər xarici ölkələrə yükdaşıma tarifləri isə 4,3 faiz bahalaşıb.

Avtomobil nəqliyyatında yükdaşıma və sərnişindaşıma tarifləri üzrə, dəmir yolu nəqliyyatında isə sərnişindaşıma tarifləri üzrə avqust ayında heç bir dəyişiklik müşahidə olunmayıb.

Ölkə.Az