Azərbaycan bazarında ən böyük təchizatçı

Hər birimiz informasiya texnologiyalarının yeni tətbiqləri ilə sıx əlaqədə oluruq. Çalışırıq ki, innovativ məhsullar ilə ilk təması elə özümüz quraq. Bunun üçün yerli bazara bu məhsulların idxalı ilə məşğul olan şirkətləri araşdırmağa başlayırıq.

Məsələn, hər birimiz yollarda quraşdırılan təhlükəsizlik kameralarını, dayanacaqlarda yeni quraşdırılan sadə dillə desək, monitorları görürük. Amma həmin məhsulların təchizatçıları haqqında çox az məlumatlıyıq.

Son illər İT Solutions ilə Nəqliyyat Nazirliyi Nəqliyyatı İntellektual İdarəetmə Mərkəzi (NİİM) arasında olan əməkdaşlıq buna sübutdur.

Əslində, yollarda quraşdırılan kameraların, dayanacaqlarda quraşdırılan monitorların əksər hissəsini İT Solutions şirkəti Nəqliyyat Nazirliyi Nəqliyyatı İntellektual İdarəetmə Mərkəzi (NİİM) ilə əməkdaşlığı çərçivəsində həyata keçirib.

Belə ki, şirkətdən görülən işlər barəsində məlumat verilib:

“Son illərdə Nəqliyyat Nazirliyi Nəqliyyatı İntellektual İdarəetmə Mərkəzi (NİİM) intensiv şəkildə inkişaf edir.

Bütün uğurlu layihələrin əsasında Bakıda tətbiq edilən ən müasir texnologiyalar dayanır. NİİM-in nəqliyyat təhlükəsizliyi sahəsində son nailiyyətlərindən biri avtomobil hadisələrinin aşkar edilməsi və qarşısının alınması üzrə müstəqil video-analitik sistemin yaradılması layihələri olub. Digər sözlərlə desək, müxtəlif tunellərdə və Z.Bünyadov prospektində intellektual kameralar quraşdırılıb, bu kameralar baş verən hadisələri qeydə alaraq, yol hərəkəti iştirakçılarına xəbərdarlıq indikasiyaları vasitəsilə yüksək dəqiqliyə malik elektron lövhələr vasitəsilə xəbərdarlıq etməyə qadirdirlər.

Xəbərdarlıqlardan başqa sistem hərəkətin sürət reqlamentini təhlükəsizliyin təmin edilməsi və toqquşmaların qarşısının alınması üçün müstəqil şəkildə tənzimləyir. Sistem müstəqil şəkildə hərəkətə mane olan nəqliyyat növünün meydana gəlməsi, məsələn, tuneldə döngədə qalmış avtomobil, istiqamətin əksinə hərəkət, təhlükəli zonalarda insan, avtomobildən düşmüş əşya və s. kimi hadisələri aşkar etmək və təsnifləşdirməyə qadirdir”, - deyə “İT Solutions” şirkətindən qeyd ediblər.

Şirkət Z.Bünyadov prospektində görülən işlər barəsində də məlumat verib:

“Z.Bünyadov prospektinin tunellərində standart video-diapazonda çalışan standart kameralar tətbiq edilməmişdi, eləcə də tam qaranlıq, sıx duman və ya çirkli hava şəraitində görməyə qadir olan xüsusi termo-vizion kameralar quraşdırılıb. Bu yenilik texnoloji yanaşmadır və Avropanın inkişaf etmiş ölkələrində tətbiq edilməyə başlayıb. Belə texnologiyaların istifadəsi sayəsində təhlükəsizliyin ən yüksək səviyyəsinə nail olmaq mümkündür.

“İT Solutions” şirkəti NİİM ilə həyata keçirəcəyi gələcək əməkdaşlıq məsələlərinə də toxunub:

“Digər yenilik dairəvi yolun prospektində və Z.Bünyadov prospektində quraşdırılmış yeni nəsil elektron lövhələrdir. Bu lövhələr yolun yaxın hissələrində cari vəziyyəti əks etdirir, eləcə də şəraitdən asılı olaraq sürət məhdudiyyətini tənzimləyir və sürücüləri qarşıda gözləyə biləcək təhlükələr barədə xəbərdarlıqları əks etdirirlər.

NİİM öz layihələri üçün FLIR, Hitachi Data Systems, Brocade, Fujitsu, NICE və Samsung kimi aparıcı dünya təchizatçılarının ən müasir avadanlıq və texnologiyalarından istifadə edir. Proqram təminatı ITSolutionsLLC şirkətinin peşəkarları tərəfindən hazırlanır, həmin şirkət həmçinin NİİM-i inteqrasiya servisləri və texniki dəstəklə təmin edir.

NİİM əldə etdiyi nailiyyətlərlə kifayətlənmir və artıq hərəkətin intellektual idarəsinin yeni sisteminin təməlini qoyacaq layihə hazırlayır. Belə ki, mövcud sistem köhnəlib və yeni standartlara cavab vermir, yeni nəsil intellektual kəsişmələrin yaradılması üzrə layihələr hazırlanır, bu layihə termal video-deduksiyanı və bütün növ nəqliyyat vasitələrinin təsnifatını təmin edəcək, bu isə idarə mərkəzinə hərəkətin sıxlığı barədə dəqiq informasiya verəcək.

Piyadaların termal deteksiyası, eləcə də növbələrə nəzarət analitik sistemi ilə bərabər keçidi gözləyərkən növbənin ölçülməsi üzrə qərarlar qəbul ediləcək. Bu texnologiyalar piyadalar, onların təhlükəsizliyi ilə vəziyyəti yaxşılaşdırmağa, eləcə də hərəkətin və piyadaların maksimal keçidini həyata keçirmək üçün işıqforun fazalarının dəqiq tənzimlənməsini təmin edəcək.

Əlavə modul kimi toqquşmalar barədə xəbərdarlıq edən müstəqil sistem tətbiq ediləcək, yəni kəsişmələrdə nəqliyyat vasitəsinin qırmızı işıqda keçməsi və ya kəsişməyə yüksək sürətlə yaxınlaşması hallarının baş verdiyi zaman qəza xəbərdarlığını təmin edəcək xüsusi radarlar quraşdırılacaq. Bununla da işıqforun qəza tənzimlənməsi və yol hərəkəti iştirakçılarının zamanında xəbərdar edilməsi çoxsaylı yol qəzalarından qaçınmağı və əlaqəli kəsişmələrin dinamik idarəsini təmin edəcək”.

Şirkət hesab edir ki, yeni layihələrin həyata keçirilməsi nəticəsində, nəqliyyat statistikalarını dəqiq əldə etmək mümkün olacaq:

“Yeni layihə çərçivəsində avadanlığın yenilənməsi də, məsələn, köhnə modellərin əvəzinə yeni yüksək dəqiqlikli tabloların quraşdırılması nəzərdə tutulur. Eləcə də bəzi mühüm sahələrdə yeni hərəkət termal detektorların quraşdırılması nəzərdə tutulur, bu isə köhnəlmiş datçik modellərinin yardımı ilə əldə edilməsi mümkün olmayan, dəqiq nəqliyyat statistikasının alınmasını təmin edəcək”.

Öz növbəsində, Nəqliyyat Nazirliyi Nəqliyyatı İntellektual İdarəetmə Mərkəzinin (NİİM) ictimaiyyətlə əlaqələr şöbəsinin rəhbəri Şəfa Mehmanqızı bildirib ki, şirkət ilə olan əməkdaşlıq Bakıda keçirilən Avropa Oyunları zamanı başlayıb:

“Bakıda keçirilən Avropa Oyunlarına hazırlıq müddətində Nəqliyyatı İntellektual İdarəetmə Mərkəzində bir sıra yenilənmə işləri həyata keçirilmişdi. Məlumatların daha tez, optimal çatdırılması üçün server otağında yeni avadanlıqlar quraşdırılmışdı. Mərkəzin monitor zalında, sahəsi 120 kv metr olan Barko Divar (monitor) tamamiləyenilənmişdi. Daha sonra, kameralar vasitəsilə görüntülərin yadda saxlanması sistemi, yəni video recording proqramı da yeniləndi.

Avropa Oyunları müddətində, Ziya Bünyadov prospektində, ikitərəfli 8 ədəd yeni (ümumilikdə 16 ədəd), məlumat informasiya tablosu quraşdırıldı. Eləcə də, tablonun müxtəlif yerlərində kameralar da quraşdırıldı. Bütün bunlar İT Solutions şirkətinin Avropa Oyunları müddətində mərkəzdə həyata keçirdiyi işlər idi”.

Bundan başqa, Ş.Mehmanqızının sözlərinə görə, şirkət ilə əməkdaşlıq çərçivəsində, avtobuslara yeni GPRS izləmə avadanlıqları quraşdırılır:

“Bu yaxınlarda avtobuslara yeni GPRS izləmə avadanlıqları quraşdırılır. Həmin avadanlıqlar vastəsilə məlumatlar dayanacaqdakı avtobus informasiya terminallarına, monitorlara inteqrasiya olunacaq. Məhz həmin dayanacaqdakı monitorlardakı proqramlar İT Solutions tərəfindən yenilənib və qısa müddətdə, çox güman ki, ilin sonuna qədər təhvil veriləcək”.

Mehmanqızı şirkət ilə olan əməkdaşlığın bundan sonra da davam edəcəyini qeyd edib:

“İKT sahəsində yeniliklər tükənmir, ildən-ilə, hətta deyərdim gündən-günə artır. Nəqliyyatı İntellektual İdarəetmə Mərkəzində hər gün bir yenilik tətbiq edilir. Yəqin ki, gələcəkdə mərkəzdə yeniliklərin tətbiqi zamanı “İT Solutions”-la əməkdaşlığımızı davam etdirəcəyik”.

Qeyd edək ki, “İT Solutions” mənsub olduğu fəaliyyət sahəsində Azərbaycan bazarında qabaqcıl şirkətlərdən biridir.

Şirkətin fəaliyyəti informasiya texnologiyaları və təhlükəsizlik xidmətləri sahələri üzrə ixtisaslaşıb. Şirkət artıq 11 ildir ki, Azərbaycan bazarında özünü müxtəlif İKT xidmətləri təklif edən təchizatçı kimi tanıtmışdır.

Ölkə.Az