SOCAR xam neftin və neft məhsullarının ixracatını açıqladı

Avqust ayında dünya bazarında Brent tipli xam neftin 1 bareli 101,61 dollara satılıb

SOCAR 2014-cü ilin avqust ayında Novorossiysk limanından 84 min 760 ton, Supsa limanından 242 min 76 ton, Ceyhan limanından 1 milyon 942 min 635 ton xam neft ixrac edib.

SOCAR-dan verilən məlumata görə, ümumilikdə yanvar-avqust ayları ərzində Novorossiysk limanından 677 min 785 ton, Supsa limanından 2 milyon 29 min 456 ton, Ceyhan limanından isə 13 milyon 909 min 977 ton xam neft ixrac edilib. SOCAR tərəfindən ixrac olunmuş xam neftin göstəriciləri həm Azərbaycan dövlətinə, həm də SOCAR-a məxsus xam neft həcmlərini əks etdirir.    Bundan əlavə, məlmat verilib ki, SOCAR-ın Marketinq və İqtisadi Əməliyyatlar İdarəsi 2014-cü ilin avqust ayında 59 ton atomobil benzini, 101 min 376 ton dizel yanacağı, 19 min 933 ton təyyarə yanacağı, 239 ton soba mazutu və 70 min 452 ton vakuum qazoylu ixrac edib.

“Ümumilikdə, 2014-cü ilin yanvar-avqust ayları ərzində 745 ton avtomobil benzini, 629 min 606 ton dizel yanacağı, 119 min 715 ton təyyarə yanacağı, 417 ton soba mazutu və 285 min 882 ton vakuum qazoylu ixrac edilib. 2014-cü ilin avqust ayında dünya bazarında etilləşdirilmiş benzinin qiyməti (1 ton üçün) - 938,29 dollar, təyyarə yanacağının - 926,29 dollar, dizel yanacağının - 863,44 dollar, 1% kükürdlü mazutun qiyməti 573,96 dollar təşkil edib”, - məlumatda deyilir.                                                     

Həmçinin, SOCAR avqust ayında dünya bazarında xam neftin qiymətləri barədə məlumat açıqladı:                        

“Avqust ayında dünya bazarında Brent tipli xam neftin 1 bareli 101,61 dollara, Urals nefti - 102,08 dollara, BTC FOB Ceyhan tipli xam neft isə 103,08 dollara satılıb”, - məlumatda deyilir./Oxu.az/

Ölkə.Az