Pensiya fondu III rübdə 64 mlrd. dollar itirib

Dünyanın ən nəhəng pensiya fondu III rübdə 64 mlrd. dollar itirib

Dünyanın ən nəhəng pensiya fondu olan "Government Pension Investment Fund" (GPIF) cari ilin III rübündə 7,9 trln. yen və ya 64 mlrd. dollar itirib.

"APA-Economics"in "Bloomberg" agentliyinə istinadən verdiyi xəbərə görə, bu barədə fondun hesabatında qeyd edilib.

Ümumilikdə fondun həcmi üç rüb ərzində 5,6% azalıb ki, bu, 2008-ci ilin aprelindən etibarən ən aşağı göstəricidir.

Fondun göstəricilərinin pisləşməsinə Çin iqtisadiyyatında baş verən neqativ proseslər, o cümlədən Yaponiyanın milli valyutası olan yenin məzənnəsinin möhkəmlənməsi səbəb olub.

Ölkə.az