\"Şahdəniz\" yatağına çəkilmiş xərclərin həcmi açıqlanıb

"BP-Azerbaijan" şirkəti bu ilin üç rübü ərzində “Şahdəniz” yatağına çəkilmiş xərclərin həcmini açıqlayıb.

“Şahdəniz” yatağının əməliyyat operatoru “BP-Azerbaijan” şirkətindən “APA-Economics”ə verilən məlumata görə, bu ilin üç rübü ərzində “Şahdəniz” üzrə fəaliyyətlərə təqribən 370 mln. dollar əməliyyat xərcləri və 3,37 mlrd. dollar əsaslı xərclər çəkilib.

Əsaslı xərclərin böyük əksəriyyəti “Şahdəniz” Mərhələ 2 layihəsinə aiddir.

Qeyd edək ki, “Şahdəniz”də iştirak payları belədir: BP (operator - 28,8%), AzŞD (10%), "Cənub Qaz Dəhlizi Apstrim" (6.7%), “Petronas” (15,5%), “Lukoil” (10%), NİKO (10%), və TPAO (19%).

Ölkə.az