SOCAR Rumıniyada daha bir YDM istifadəyə verdi

YDM-də Benzin-95 və Dizel Euro-5 tipli yanacaq məhsullarının satışı həyata keçirilir

Rumıniyanın Ramnicu Valcea şəhərində “SOCAR” brendi altında fəaliyyət göstərən ilk yanacaq doldurma məntəqəsi istifadəyə verilib.

Dövlət Neft Şirkətindən (SOCAR) verilən məlumata görə, geniş ərazini əhatə edən YDM-də Benzin-95 və Dizel Euro-5 tipli yanacaq məhsullarının satışı həyata keçirilir.

Məntəqədə quraşdırılmış 3 sayğac 4 kiçik və 2 böyük (TIR) avtonəqliyyat vasitəsinin eyni vaxtda yanacaqla təmin edilməsi üçün şərait yaradır.

Bununla da Rumıniyada əhaliyə SOCAR brendi altında yüksək keyfiyyətli xidmət göstərən YDM-lərin sayı 29-a çatıb./Apa-economics/

Ölkə.Az