Bolqarıstan prezidenti: "Bolqarıstan Azərbaycandan təbii qaz alacaq"

Bolqarıstan Azərbaycandan təbii qaz alacaq

Bu barədə Bolqarıstanın rəhbəri Rosen Plevneliyev Türkiyənin “Anadolu” xəbər agentliyinə bildirib.

Trans-Anadolu (TANAP) və Trans-Adriatik (TAP) boru kəmərlərinin əhəmiyyətindən danışan dövlət başçısı qeyd edib ki, “Şahdəniz” qaz-kondensat yatağından hasil ediləcək Azərbaycan təbii qazı bütün Avropa ölkələri üçün çox önəmlidir.

R. Plevneliyev bildirib ki, sentyabrın 23-24-də Bakıda Azərbaycan, Türkiyə, Yunanıstan və digər ölkələrin dövlət başçılarının görüşü keçiriləcək: “Bu görüşdə Azərbaycan qazının Cənubi Avropaya, həmçinin Bolqarıstana nəqli müzakirə olunacaq”./Apa-economics/

Ölkə.Az