Azərbaycanda ipoteka kreditləşməsi artdı

2015-ci ilin noyabrın 1-nə olan məlumata görə, Azərbaycanda banklar tərəfindən 83,2 milyon manat ipoteka krediti verilib.

Bu isə sentyabr ayının yekunları ilə müqayisədə 6 milyon manat çoxdur. Ötən ilin anoloji dövrü ilə müqayisədə isə 1,2 milyon manat və ya 1,46% çoxdur.

Ölkə.Az xəbər verir ki, bu barədə Azərbaycan Mərkəzi Bankının (AMB) son yaydığı hesabatda qeyd olunub.

AMB-nin məlumatına görə, yanvar-oktyabr aylarında Azərbaycan İpoteka Fondunun (AİF) agent bankları 89,9 milyon manat məbləğində krediti yenidən maliyyələşdirib. Bu isə cari ilin əvvəli ilə müqayisədə 36,5 milyon manat və ya 28,8% azdır.

Hesabat dövründə AİF sosial ipotekanı maliyyələşdirmək üçün dövlət büdcəsindən 41,6 milyon manat məbləğində vəsait alıb, öz istiqrazlarının yerləşdirilməsi hesabına isə 41 milyon manat vəsait cəlb edib.

Analoji dövrdə kredit üzrə aylıq ödəniş 297,1 manat təşkil edib. İpoteka kreditlərinin orta illik faiz dərəcələri isə son bir ayda eyni olaraq qalıb; 6,71%.

Qeyd edək ki, kreditlərin orta müddəti isə 280 ay olub.

Ölkə.Az