\"Bloomberg\"dən dəhşətli proqnoz
"Birja maklerləri nefti 15 dollardan aşağı sala bilərlər"
Neftin qiymətləri ətrafında spekulyasiyalar davam edir.
Ölkə.az xəbər verir ki, nüfuzlu "Bloomberg" saytında tanınmış iqtisadçı-ekspert Haviyer Blas "Ekstrenmal neft 2016-cı ildə 15 dollara düşə bilər" sərlövhəli yazısında neftin gələcəyini analiz edib.
Məqalədə Blas bazara çıxarılan alqı-satqı kontraktlarının əvvəlcədən birja möhtəkirləri tərəfindən alındığını qeyd edərək bunun nəticəsində "qara qızıl"ın qiymətlərinin 15 dollardan da aşağı düşə biləcəyini proqnozlaşdırır.
"Qiymətin düşməsinə səbəb birjalara çıxarılan neftin həcminin böyük olmasıdır. Bu qiymətləri salmaqda davam edəcək. Bu il qış mövsümünün isti keçməsini nəzərə alsaq isə, 2016-cı ilin birinci yarısında neftin qiymətinin 20 dollardan aşağı düşməsini labüdləşdirəcək", ekspertin məqaləsində belə deyilir.
Ölkə.az
