Vaqif Əliyev: SOCAR-ın Gürcüstanla 2030-cu ilədək anlaşması var

Dövlət Neft Şirkətinin (SOCAR) Gürcüstana qazın nəqli ilə bağlı 2030-cü ilə qədər anlaşması var. Bu anlaşma nəticəsində Gürcüstanın qaz təchizatının əsas oyunçusu Azərbaycan mənşəli qazdır, o cümlədən SOCAR şirkətidir.

SOCAR-ın Gürcüstan bazarında çox ciddi rolu var. SOCAR həmin bazarda ciddi bir mövqeyə malik şirkət kimi, eyni zamanda ən böyük vergi ödəyicisi kimi tanınır. Ötən ilin nəticələri açıqlanmayıb, amma əminəm ki, 2015-ci ildə də biz həmin bazarda öz statusumuzu qoruyub saxlaya bilmişik.

Ölkə.Az ANS TV-yə istinadən xəbər verir ki, bu sözləri Azərbaycan Dövlət Neft Şirkətinin (SOCAR) Sərmayələr İdarəsinin rəisi Vaqif Əliyev İranın Ermənsitan ərzasisindən istifadə edərək, Gürcüstana qazın nəqli ilə bağlı məsələni şərh edərkən bildirib.

V.Əliyev İranın Gürcüstanla yaxınlaşmasını ciddi təhlükə kimi görmədiyini də vurğulayıb:

“İranın Gürüstan ilə yaxınlaşmasında bir qəribəlik yoxdur. Hər bir dövlət özünün daxili və xarici siyasətini özü müəyyən edir. O cümlədən Azərbaycanla strateji iş birliyinin müəyyən edilməsi də Gürcüstan dövlətinin bir siyasi seçimidir. Biz burda ciddi təhlükə görmürük”, - deyə o qeyd edib.

Ölkə.Az