Manatı nə gözləyir?
Firudin Qurbansoy: “Qorxuram doğru çıxmasın”
Səbuhi Rəhimli: “İlin ilk yarısı bu vəziyyətdə davam edəcək”
21 dekabr devalvasiyasından sonra Azərbaycanda ən çox müzakirə edilən məsələ manatın məzənnəsinin bundan sonrakı taleyi ilə bağlıdır. İctimaiyyəti hazırda ən çox düşündürən sual budur- Manatı nə gözləyir?
Məsələ ilə əlaqədar iqtisadçıların şərhi ictimaiyyətə məlumdur, bəs, astroloqlar nə vəd edir? Bununla bağlı bir neçə astroloqun proqnozunu öyrənməyə çalışdıq.
Astroloq Firudin Qurbansoy manatla bağlı proqnoz verməkdə çətinlik çəkdiyini bildirdi: “Bu çox ciddi məsələdir. Bunun üçün xeyli vaxt sərf edib köklü şəkildə məsələni dəqiq hesablamaq, araşdırmaq lazımdır. Mən şəxsən bu barədə düşnmədiyimdən araşdırma etməmişəm. Buna görə də heç nə deyə bilmərəm. Qorxuram indi nəsə deyərəm, sonra doğru çıxmaz“.
Astroloq Səbuhi Rəhimli isə ilin birinci yarısınadək manatın məzənnəsinin qalxmayacağını deyib: “Dolların məzənnəsinin 1 manat 55 qəpikdən aşağı düşmək ehtimalı yoxdur. İlin ilk yarısı bu vəziyyətdə davam edəcək. Yalnız ilin ikinci yarısından vəziyyət düzələ bilər, o da gedişatdan aslıdır. Manat barəsində yalnız bu proqnozu verə bilərəm”. (musavat)
Ölkə.Az
