Azərbaycan əhalisi 1 milyard manatdan çox kredit ödədi
2015-ci ildə Azərbaycan əhalisinin gəlirləri əvvəlki illə müqayisədə nominal ifadədə 5,7% artaraq 41,7 milyard manata çatıb.
Bu barədə Dövlət Statistika Komitəsindən (DSK) Ölkə.Az-a bildirilib.
Gəlirlərin əhalinin hər nəfərinə düşən həcmi isə orta hesabla 4380,1 manat və ya ayda 365 manat təşkil edərək 4,% artıb.
Bu dövrdə gəlirlərin 72,1%-i (30 milyard 65,7 milyon manat) son istehlak xərclərinə, 9,1%-i (4 milyard 286,1 milyon manat) vergilərin, sığorta və üzvlük haqlarının, 2,9%-i (1 milyard 209,3 milyon manat) kreditlər üzrə faizlərin ödənilməsinə sərf edilib, 15,9%-i (7 milyard 488,9 milyon manat) isə yığıma yönəldilib.
Bütün icbari və könüllü haqlar ödənildikdən sonra əhalinin sərəncamında 37,9 milyard manat və ya əvvəlki ilin eyni dövründəkindən 5,6% çox vəsait qalıb.
Ölkə.Az
