Neft 25 dollar olarsa...
İqtisadçı ekspertlər neftin qiymətlərinin ucuzlaşması fonunda dünya maliyyə bazarlarındakı vəziyyəti analiz adiblər.
Ölkə.az xəbər verir ki, ABŞ-ın "Bank of America Merrill Lynch" maliyyə institutunun analitikləri neftin qiymətlərinin 25 dollara düşəcəyi təqdirdə 2016-cı ilin sonunadək rus rublunun məzənnəsinin 3 dəfəyə qədər ucuzlaşacağını proqnozlaşdırıblar.
"3%-lik kəsirlə qəbul olunan büdcənin formalaşması üçün dolların 140 rubl olması lazımdır. Əgər neftin qiyməti 25 dollardan da aşağı düşsə, 1 dollar 210 rus rubluna bərabər olacaq", "Bank of America Merrill Lynch"in analitiklərinin hesabatında belə deyilir.
Proqnozu dəyərləndirən Rusiyanın iqtisadi inkişaf naziri Aleksey Ulyukayev isə buna qarşı "stress-test ssenarisi" hazırladıqlarını bildirib.
Neftin qiymətinin 25 dollara düşəcəyi təqdirdə Azərbaycan manatının da dollara nisbətdə 30%-50% arasında ucuzlaşacağı proqnozlaşdırılır.
