Azərbaycan avtomobil idxalını xeyli azaldıb
2015-ci ildə Azərbaycana 26 785 avtonəqliyyat vasitəsi idxal olunub. 2014-cü il bu göstərici 63 368 ədəd olub.
Ölkə.Az-ın Trend-ə istinadən verdiyi məlumata görə, bu barədə Dövlət Gömrük Komitəsinin statistik hesabatında deyilir.
Hesabata əsasən, idxal edilən avtomobil nəqliyyat vasitələrinin 23 765 ədədi avtomobil və motorlu nəqliyyat vasitələrinin payına düşüb. 2014-cü ildə bu göstərici 57 615 ədəd təşkil edib.
Bundan başqa, hesabat dövründə ölkəyə 1 961 yük avtomobili idxal edilib. Bu rəqəm 2014-cü ildə 5 054 ədəd olub. İdxal olunan avtomobillərin qalan hissəsi digər nəqliyyat vasitələrinin payına düşüb.
