Azərbaycanda daha 2 şirkət açıldı
Birləşmiş Ərəb Əmirliklərinə (BƏƏ) məxsus “International Tubulars FZE” şirkətinin Azərbaycanda filialı açılıb.
Ölkə.Az xəbər verir ki, bu barədə məlumat Vergilər qəzetində dərc olunub.
Filial Bakı şəhərinin Nəsimi rayonu, Abbasqulu Ağa Bakıxanov küçəsi, ev 6 ünvanında yerləşir. Filialın qanuni təmsilçisi Böyük Britaniya vətəndaşı Blok Condur.
Şirkət neft-qaz sektoru üçün avadanlıqlar təchiz edir. Şirkət 1998-ci ilə yaradılıb, baş ofisi Dubayda yerləşir.
Bundan başqa, qəzetdə qeyd olunan məlumata əsasən, Türkiyənin “Aleyna Kuyumçuluk Gida Tekstil İnşaat Elektronik İthalat İhracat Sanayi ve Ticaret Ltd.” şirkəti Azərbaycanda filial açır.
Xatırladaq ki, şirkətin filialı 2015-ci il 24 dekabr tarixində dövlət qeydiyyatına alınıb. Hüquqi ünvan olaraq Bakı şəhərinin Nəsimi rayonu, Süleyman Rəhimov küçəsi, ev163, mənzil 1, qanuni təmsilçi olaraq Oğuz Murat qeyd olunub.
