“Gəncəbank”ın əmanətçiləri üçün xəbər var
“Gəncəbank” ASC-nin 378 qorunan əmanətçisinə 1,5 milyon manat ekvivalentində kompensasiya ödəniləcək.
Ölkə.Az xəbər verir ki, bu barədə bu gün Əmanətlərin Sığortalanması Fondunda (ADİF) təşkil edilən mətbuat konfransında Azad Cavadov bildirib.
“Kompensasiya almaq üçün ərziə formalarını qorunan əmanətçilər fevralın 4-dən etibarən sığorta hadisəsi baş vermiş “Gəncəbank” ASC-nin filiallarından, Agent bankların filiallarından, ADİF-in Bakı şəhəri, Bülbül prospekti 40 ünvanında yerləşən ofisindən və Fondun rəsmi internet səhifəsi olan www. adif.az saytından əldə edə bilərlər”, - deyə A.Cavadov qeyd edib.
Qeyd edək ki, agent banklar olaraq “Rabitəbank”, “Kapital Bank”, “Unibank” seçilib.
