Dövlət Neft Fondu bir aya 450 milyon dollar qazandı
Azərbaycan Dövlət Neft Fonduna (SOFAZ) bu ilin yanvar ayında “Azəri-Çıraq-Günəşli” (AÇG) yataqlar bloku üzrə mənfəət nefti və “Şahdəniz” qaz-kondensat yatağı üzrə mənfəət qazının satışından ümumilikdə 446 mln. ABŞ dolları həcmində vəsait daxil olub.
Ölkə.Az xəbər verir ki bu barədə Neft Fondundan bildirilib.
Məlumata görə, bu məbləğin 442 mln. dolları AÇG-dən mənfəət nefti, 4 mln. dolları isə “Şahdəniz” yatağından mənfəət qazının satışından əldə olunub.
Qeyd edək ki, 2001-ci ildən 2016-cı il fevralın 1-dək ARDNF-ə AÇG-dən 117,5 mlrd. dollar, 2007-ci ildən “Şahdəniz” yatağından isə 2,5 mlrd. dollar vəsait daxil olub.
