Beynəlxalq Bankın nizamnamə kapitalı 1 milyard manatı ötdü
Azərbaycan Beynəlxalq Bankının səhmdarlarının növbədənkənar ümumi yığıncağı keçirilib. Yığıncaqda bankın nizamnamə kapitalının artırılması və bir sıra prosedur məsələlərə baxılıb.
Bu barədə Azərbaycan Beynəlxalq Bankından (ABB) Ölkə.Az-a bildirilib.
Məlumata görə, ümumi yığıncaqda Azərbaycan Beynəlxalq Bankının nizamnamə kapitalının yeni səhmlərin emissiyası yolu ilə 500 milyon manat məbləğində artırılması, bununla da bankın nizamnamə kapitalının 1 milyard 141,3 milyon manata çatdırılması qərara alınıb.
ABB-dən onu da bildiriblər ki, bununla yanaşı, Audit Komitəsinin tərkibində dəyişiklik edilib və kommersiya xarakterli layihə ilə bağlı prosedur məsələyə baxılıb.
