Azərbaycanın xarici ticarət dövriyyəsinin həcmi açıqlandı
2015-ci ildə Azərbaycanın hüquqi və fiziki şəxsləri dünyanın 165 ölkəsindəki tərəfdaşları ilə ticarət əməliyyatları həyata keçirib, 111 ölkəyə məhsul ixrac olunub, 147 ölkədən idxal olunub.
Bu barədə Dövlət Statistika Komitəsindən (DSK) Ölkə.Az-a bildirilib.
Ticarət dövriyyəsinin 9,6%-i MDB üzvü dövlətləri, 48,2%-i Avropa İttifaqı ölkələri, 42,2%-i isə dünyanın digər ölkələrinin payına düşüb.
2015-ci ildə xarici ticarət dövriyyəsinin həcmi statistik məlumatlara əsasən 25 milyard 781 milyon ABŞ dolları, o cümlədən ixracın həcmi 16 milyard 559,6 milyon dollar, idxalın həcmi 9 milyard 221,4 milyon dollar təşkil edib, nəticədə 7 milyard 338,2 milyon dollarlıq müsbət xarici ticarət saldosu yaranıb.
2015-ci ildə qeyri-neft məhsullarının ixracı 2014-cü illə müqayisədə 2,7% artaraq 1 milyard 581,2 milyon dollar təşkil edib.
