SOCAR-dan nəql olunmuş neftlə bağlı açıqlama
Ceyhan limanından 2,6 milyon ton neft dünya bazarlarına çıxarılıb.
2014-cü ilin iyul ayı ərzində BTC əsas ixrac boru kəməri vasitəsilə 2 milyon 544 min 60 ton Azərbaycan nefti nəql olunub.
SOCAR-dan verilən məlumata görə, cari ilin yanvar-iyul aylarında bu kəmərlə 17 milyon 87 min 200 ton neft ötürülüb.
“Ümumiyyətlə, kəmər istifadəyə verilən gündən 2014-cü il avqust ayının 1-ə qədər BTC-yə 252 milyon 228 min 793 ton neft vurulub.
Bundan başqa, cari ilin iyul ayında BTC kəməri ilə ümumilikdə 418 min 773 ton Türkmənistan və Qazaxıstan nefti nəql olunub”, - məlumatda deyilib.
Bundan əlavə, SOCAR-dan bildiriblər ki, 2014-cü ilin iyul ayı ərzində 2 milyon 647 min 222 ton Azərbaycan nefti Ceyhan limanından dünya bazarlarına çıxarılıb.
“Bu həcmin 1 milyon 653 min 451 tonunu Azərbaycan Respublikası Dövlət Neft Fondunun nefti təşkil edib. Cari ilin yanvar-iyul aylarında Ceyhan limanından ixrac olunmuş neftin həcmi 16 milyon 929 min 749 ton təşkil edib.
Ümumiyyətlə, BTC istismara verilən gündən 2014-cü il avqust ayının 1-ə qədər Ceyhan limanından 250 milyon 73 min 663 ton Azərbaycan nefti dünya bazarlarına yola salınıb”, - məlumatda deyilir./oxu.az/
Ölkə.Az
