Türk şirkəti Bakıda zavod tikəcək
Bu gün Sumqayıt Kimya Sənaye Parkında ferroərintilərin istehsalı üzrə zavodun tikintisinə dair müqavilə imzalanıb.
Bu barədə Ölkə.Az Trend-ə istinadən xəbər verir.
Məlumata əsasən, müqavilə “Bakı Əlvan Metallar və Ferroərintilər Şirkəti” və Türkiyənin “Demora” şirkəti arasında imzalanıb.
Müqavilənin imzalanması mərasimi Bakıda Azərbaycan İqtisadiyyat Nazirliyinin təşkil etdiyi “Sənayenin inkişafına dövlət dəstəyi” konfransı çərçivəsində baş tutub.
Zavodun açılması 150 yeni iş yerinin yaradılmasına imkan verəcək. Zavodun məhsulları həm daxili bazara yönəldiləcək, həm də ixrac ediləcək.
