Baş bankirdən yeni devalvasiya açıqlaması
"Azərbaycan manatının növbəti devalvasiyası gözlənilmir və gördüyünüz kimi, manatın möhkəmlənməsi prosesi gedir".
Bunu jurnalistlərə açıqlamasında Mərkəzi Bankın İdarə Heyətinin sədi Elman Rüstəmov deyib.
E. Rüstəmov deyib ki, bu barədə yayılan şayiələrin əsası yoxdur:
“Görürsünüz ki, son zamanlar Azərbaycan manatı xarici valyutalar qarşısında möhkəmlənir. Digər tərəfdən, neftin qiyməti ilə bağlı dövlət büdcəsinə yenidən baxıldı. Həmçinin, müşahidə edirik ki, son zamanlar neftin qiyməti yüksək olmasa da, stabil qalıb. Ölkənin xarici ticarət balansı ilə bağlı vəziyyət də inkişafa doğru gedir. “Üzən məzənnə”yə keçiddən sonra manatın kursunda problem müşahidə olunmur. Bütün bunlar onu deməyə əsas verir ki, növbəti devalvasiya bağlı deyilənlərin heç bir əsası yoxdur”.
O bildirib ki, Əmanətlərin Sığortalanması Fondu ilə danışıqlar gedir və Mərkəzi Bank bu quruma da pul ayıracaq:
"Düşünmürəm ki, ayrılacaq pulun həcmi uçot dərəcəsindən çox olacaq".
