Mərkəzi Bank məhkəmədə qəbul etdiyi qərarı müdafiə edəcək
“AtraBank” və “Qafqaz İnkişaf Bankı”nın AMB-nin qərarından şikayəti ilə bağlı məhkəmə prosesi gedir.
Ölkə.Az xəbər verir ki, bu sözləri Azərbaycan Mərkəzi Bankının rəhbəri Elman Rüstəmov bildirib.
“Mərkəzi Bank məhkəmədə öz hüquqlarını və qəbul etdiyi qərarı müdafiə edəcək”, - deyə AMB sədri qeyd edib.
Xatırladaq ki, Azərbaycan Respublikası Mərkəzi Bankının İdarə Heyətinin 27 yanvar 2016-cı il tarixli, 07/1 və 07/3 nömrəli qərarları ilə məcmu kapitalın minimum məbləği tələbinə əməl etmədiyinə, kreditorları qarşısında öhdəliklərini icra edə bilmədiyinə, cari fəaliyyətini etibarlı və prudensial qaydada idarə etmədiyinə görə “Qafqaz İnkişaf Bankı” ASC və “Atrabank” ASC-nin bank lisenziyaları ləğv edilib.
