Neft Fondunun investisiya portfelinin 60%-ə yaxını Avropadadır
Dövlət Neft Fondunun (SOFAZ) 2015-ci il üzrə investisiya fəaliyyətinin yekunlarına dair hesabatı açıqlanıb.
SOFAZ-dan Ölkə.Az-a verilən məlumata görə, investisiya portfelinin yarıdan çoxu - 58,46%-i Avropa regionunun payına düşür.
İkinci yerdə 21,51% payla Şimali Amerika, üçüncü yerdə isə 11,92% payla Asiya/Sakit okean coğrafi regionu qərarlaşıb.
İnvestisiya portfelində sonrakı yerlərdə 3,57% payla Avstrlaiya/Yeni Zelandiya, 0,92% göstərici ilə Yaxın Şərq, 0,27% payla Cənubi Afrika qərarlaşıb.