Sabah Bakıda növbəti avtomobil hərracı keçiriləcək
Əmlak Məsələləri Dövlət Komitəsi (ƏMDK) sabah hərraca çıxarılacaq nəqliyyat vasitələrinin siyahısını açıqlayıb.
Ölkə.Az komitəyə istinadən xəbər verir ki, sabah təşkil ediləcək hərraca ümumilikdə 9 avtomobil çıxarılacaq.
Belə ki, 2006-cı il istehsalı olan “Nissan Maxima” və “VAZ-21043” müvafiq olaraq 4838 manat və 2097 manatdan başlayan qiymətlərlə satışa təklif olunacaq.
Bundan başqa, 2005-ci il istehsalı olan “Fiat Doblo” və “Tofaş Şahin”in qiyməti isə müvafiq olaraq 3630 və 1998 manatdan başlayaraq alıcılara təklif olunacaq.
Bu dəfə hərraca çıxarılacaq ən bahalı avtomobil isə 2013-cü il istehsalı olan “Toyota Corolla” olacaq. Start qiyməti - 20 627 manat.
Qeyd edək ki, hərraclar ƏMDK yanında Hərracların Təşkili üzrə Auksion Mərkəzində keçiriləcək (Zeynal Xəlil küçəsi 11). Hərracda iştirak etmək üçün hərrac komissiyasına aşağıdakı sənədlər hərracın başlanılmasına ən gec 3 (üç) bank günü qalanadək təqdim olunmalıdır:
1. Sifarişçinin şəxsiyyətini təsdiq edən sənəd;
2. Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. 10% məbləğində beh Mərkəzi Bankda – AZ65NABZ01361150000000004944 nömrəli hesaba köçürülməlidir.
