Səudiyyə Ərəbistanının neftlə bağlı
“İran və digər istehsalçılar aprelin 17-də Dohada keçiriləcək görüşdə neft hasilatının həcminin dondurulması ilə bağlı razılığa gəlməsələr, Səudiyyə Ərəbistanı da neft hasilatına məhdudiyyət qoymayacaq”.
Bu barədə Səudiyyə Ərəbistanının müdafiə naziri, şahzadə Məhəmməd bin Salman bildirib.
Onun sözlərinə görə, bütün böyük istehsalçılar hasilatı dondurmasalar, Ərəbistan da eyni addımı atacaq:“Əks halda, istənilən sərfəli şərtlərlə nefti satacağıq”.
Şahzadənin sözlərinə görə, Səudiyyə Ərəbistanı energetika sahəsində aşağı qiymətlərdən əziyyət çəkməz: “Əgər qiymətlər 60 və ya 70 dollara qalxsa (bir barreli), bu, inkişaf üçün güclü təkan olacaq. Amma bu, mənim mübarizəm deyil. Bu, neftin aşağı qiymətlərindən əziyyət çəkənlərin işidir”.
Qeyd edək ki, 17 apreldə Qətərin paytaxtı Dohada neft istehsalçılarının görüşü planlaşdırılır. Onlar neft hasilatının həcminin dondurulması məsələsini müzakirə edəcəklər. Görüşdə Rusiya, Səudiyyə Ərəbistanı, İran, Qatar, Venesuela, Ekvador, Əlcəzair, Nigeriya, Oman, Küveyt, Birləşmiş Ərəb Əmirliklərinin rəsmiləri iştirak edəcək. (Qafqazinfo)
