Azərbaycanda kazinolar açılacaqmı?
Kazino Azərbaycanda vaxti ilə var idi. Ulu öndərimiz Heydər Əliyevin qərarı ilə onlar ləğv edildi. Dünyada kazinolardan istifadə olunur və onlardan böyük gəlirlər əldə edirlər.
Ölkə.Az xəbər verir ki, bu sözləri vergilər nazirinin müavini Sahib Ələkbərov bu gün jurnalistlər üçün təşkil edilən mətbuat konfransında çıxışı zamanı deyib.
“Bizim ilə müqayisə olunan Belarusda bu var. Bəziləri elə fikirləşirlər ki, vergilər ilə bağlı nə varsa, Vergilər Nazirliyinə məxsusdur. Vergilər Nazirliyi icraedici mərkəzi icra hakimiyyəti orqanıdır. Biz nə qərar qəbul ediləcəksə, onun icrasını təmin edəcəyik. Amma nə qərar qəbul ediləcək, bunu bilmirik. Şəxsən mən bir vətəndaş olaraq, kazinonun Azərbaycanda olmağını istəmirəm”.
Amma ola bilsin, dövlət büdcəsinə bundan böyük gəlirlər gələ bilər. Amma bilmirəm, onun arxasına hansı maraqlar və nə durur? Bu barədə nəsə deyə bilmərəm.
Qeyd edək ki, bir müddət əvvəl deputat Qüdrət Həsənquliyev ölkədə kazinoların yaradılması ilə bağlı Milli Məclisdə təkliflə çıxış etmişdi.
