Vasif Talıbovun oğlu beşulduzlu otel açdı

Gəmiqaya Holdinq Gürcüstanda 5 ulduzlu otel açıb

Gəmiqaya Holdinq tərəfindən istifadəyə verilmiş “Divan Suites Batumi” otelinin açılışında Acarıstan Muxtar Respublikası hökumətinin rəhbəri Arçil Xabadze, Acarıstan Muxtar Respublikası Ali Məclisinin sədri Aftandil Beridze, Gəmiqaya Holdinqin rəhbəri Rza Talıbov, eləcə də digər rəsmi qonaqlar iştrak ediblər.

Qeyd edək ki, Rza Talıbov Naxşıvan Müxtar Respublikasının Ali Məclisin sədri Vasif Talıbovun oğludur, siyasi elmlər üzrə fəlsəfə doktorudur. İş fəaliyyətindən əlavə xeyriyyəçiliklədə məşğul olur.

Xatırladaq ki, Acarıstan və Naxçıvan rəhbərləri sıx əməkdaşlığın qurulmasına dair razılığa hələ 2012-ci ilin yanvarInda gəliblər. Tərəflər məhz o vaxt Batumidə iki muxtar respublika arasında əməkdaşlığın qurulması məsələlərinin geniş siyahısını müzakirə etmişdilər.

Görüşdən sonra Acarıstan nümayəndəsi bildirmişdi ki, tərəflər müxtəlif istiqamətlər üzrə bir neçə işçi komissiyanın yaradılması barədə razılığa gəliblər: "Bunlar turizm, idman, mədəniyyət və iqtisadi sahədə əməkdaşlıqdır. Biz bu istiqamətlərdə sıx əməkdaşlığın qurulması barədə razılığa gəlmişik".

Öz növbəsində, Naxçıvan Ali Məclisinin sədri Vasif Talıbov qeyd etmişdi ki, bu, Acarıstana ilk səfəridir və bunun nəticəsi müxtəlif istiqamətlərdə əməkdaşlığın qurulması olmalıdır.

Bu il oktyabrın 4-də isə Acarıstan Muxtar Respublikası Ali Sovetinin sədri Avtandil Beridze Naxçıvana gəlmişdi. Vasif Talıbov Acarıstana səfərini və keçirilən görüşləri xatırladıb, belə səfərlərin münasibətlərin inkişafı üçün əhəmiyyətli olduğunu bildirmişdi. Ali Məclisin sədri hər iki muxtar respublika arasında səhiyyə və təhsil sahələrində əməkdaşlığın genişləndirilməsini qarşılıqlı münasibətlərin nəticəsi kimi dəyərləndirmiş, əlaqələrin gələcək inkişafı üçün yaxşı potensialın olduğunu vurğulamışdı.

Avtandil Beridze Vasif Talıbova bu il acarıstanlı uşaqların Duzdağ Fizioterapiya Mərkəzində müalicəsinin yüksək səviyyədə təşkilinə görə minnətdarlığını bildirmiş və Naxçıvanla Acarıstan arasındakı münasibətlərin tarixindən danışaraq dostluq və qarşılıqlı əməkdaşlıq səviyyəsində inkişaf edən əlaqələrin bundan sonra daha da genişlənəcəyinə əminliyini ifadə etmişdi.

Görüşdə əməkdaşlığın inkişafında qarşılıqlı marağın əhəmiyyəti qeyd olunmuş və münasibətlərin perspektivlərinə dair fikir mübadiləsi aparılmışdı./Xalq.az/

Ölkə.Az