10 ildən sonra neft unudulacaq
Alternativ enerji mənbələrində görünməmiş inkişaf müşahidə olunur.
Ölkə.Az Reuters agentliyinə istinadən xəbər verir ki, "Lochkeed Martin Cor" alternativ enerji mənbələri inkişafı sahəsində tərəqqinin olduğunu bəyan edib.
Rəsmi bəyanatda bildirilir ki, termonüvə sintezinin əsasında 100 meqavatt gücünə malik reaktor yaratmaq mümkün olub. Bu reaktor ölçülərinə görə o qədər kiçikdir ki, hətta balaca yük maşınına belə yerləşdirilə bilər. Bu cür qüvvəli qurğunun yaradılması 6 il ərzində, tam məxfi şəkildə aparılıb. Hal-hazırda şirkət layihənin inkişaf etdirilməsi üçün sponsorlar axtarır.
Möcüzəli reaktorların istifadəyə verilməsi 5 ilə, geniş istehsalı isə 10 ilə planlaşdırılır.
Lockheed Martin Corp şirkəti aviakosmik texnologiyalar sahəsü üzrə ixtisaslaşıb və ABŞ-ın aparıcı şirkətlərindən biridir.
Rəşid Mustafazadə
Ölkə.Az
